ევროკომისიამ უკრაინის შეიარაღებული ძალების დანაკარგი რუსეთის მიერ გაჩაღებულ ომში 100 000 სამხედროდ შეაფასა. ამის შესახებ ევროკომისიის ხელმძღვანელმა, ურსულა ფონ დერ ლაიენმა განაცხადა.
ლაიენს არ დაუკონკრეტებია, საიდან მიიღო ეს ინფორმაცია. მან ასევე აღნიშნა, რომ ომმა 20 000-ზე მეტი მშვიდობიანი უკრაინელის სიცოცხლე შეიწირა, ხოლო ომიდან მიღებულმა ზარალმა 385-იდან 600 მილიარდ ევრომდე შეადგინა.
ევროკომისიის ხელმძღვანელმა გამოაცხადა საერთაშორისო სისხლის სამართლის სასამართლოსთან მუშაობა სპეციალიზებული სასამართლოს შექმნაზე, რომელიც განიხილავს რუსეთის ფედერაციის დანაშაულებს.