თბილისის საქალაქო სასამართლოში მიხეილ სააკაშვილის სასამართლო პროცესი გადაიდო.
მესამე პრეზიდენტის პროცესი მოსამართლემ გიორგი არევაძემ 14 დეკემბერს ჩანიშნა.
კლინიკა „ვივამედმა“ მესამე პრეზიდენტის ტრანსპორტირების რეკომენდაცია არ გასცა.
ადვოკატებმა მიხეილ სააკაშვილის სასამართლო პროცესზე დისტანციურად ჩართვა მოითხოვეს.
პენიტენციური დაწესებულების წარმომადგენელმა სხდომაზე განაცხადა, რომ ჩართვას სპეციალური დაწესებულებიდან თავად უზრუნველყოფდნენ, საავადმყოფოში კი კლინიკამ უნდა უზრუნველყოს.
საქალაქო სასამართლოს ეზოში, საქართველოს მესამე პრეზიდენტის გადარჩენის მოთხოვნით აქცია იმართება, რომელსაც ენმ-ის წევრები, სამოქალაქო აქტივისტები და საზოგადოების წევრები მართავენ.