კატარში მიმდინარე მსოფლიო ჩემპიონატის გაშუქებისას ცნობილი ამერიკელი საფეხბურთო ჟურნალისტი გარდაიცვალა, – ამის შესახებ BBC იუწყება.
48 წლის გრანტი უოლი არგენტინა-ნიდერლანდების მატჩის დამატებითი დროის მიმდინარეობისას მოულოდნელად გარდაიცვალა.
ვარაუდობენ, რომ ამერიკელის გარდაცვალების მიზეზი გულის შეტევა იყო, მაგრამ ჯერ ოფიციალურად არაფერი არ დადასტურებულა.
გასულ თვეში უოლი კატარის ხელისუფლებამ სტადიონზე მაისურის ტარების გამო დააკავეს, რომელზედაც ლგბტ დროშის ფერები იყო გამოსახული, თუმცა იგი მალევე გაათავისუფლეს.
გრანტი ცნობილი იყო ფეხბურთისადმი თავისი უზარმაზარი სიყვარულით და კატარში მერვე მსოფლიო ჩემპიონატის გასაშუქებლად იმყოფებოდა.