თურქეთის მთავრობამ რუსეთის მიმართულებით იმ ტვირთების ტრანზიტი შეაჩერა, რომელთა წინააღმდეგ აშშ-ის და ევროკავშირის სანქციები მოქმედებს. ამის შესახებ „ეხო კავკაზა“ იუწყება.
სააგენტო „ბლუმბერგის“ ცნობით, დასავლეთის მიერ რუსეთის წინააღმდეგ სანქციების დაწესების შემდეგ თურქეთი რუსეთში ტვირთების რეექსპორტის ძირითადი ქვეყანა გახდა. 2022 წელს თვირთბრუნვამ 9 მლრდ აშშ დოლარი შეადგინა.
ექსპერტები ანკარის მიერ მიღებულ გადაწყვეტილებას რამდენიმე დღის წინ თურქეთში აშშ-ის სახელმწიფო მდივნის, ენტონი ბლინკენის ვიზიტს უკავშირებენ. ვაშინგტონი თურქეთსა და რუსეთს შორის ურთიერთობების გაღრმავებით და ეკონომიკური თანამშრომლობის გააქტიურებით უკმაყოფილო იყო.