რუსეთის თავდაცვის სამინისტროს განცხადებით, წარმატებით გამოცადეს საკონტინენტთაშორისო ბალისტიკური რაკეტა. ადგილობრივ მედიაში გავრცელებული ინფორმაციის მიხედვით, რაკეტის გაშვება ასტრახანის რეგიონის „კაპუსტინ იარის” პოლიგონიდან განხორციელდა და ყაზახეთის „სარი-შანის“ პოლიგონზე არსებული იმიტირებული სამიზნე გაანადგურა.
როგორც რუსეთის საგარეო უწყებაში აცხადებენ, ტესტირებამ შესაძლებელი გახადა „ახალი სტრატეგიული სარაკეტო სისტემების შემუშავებაში გამოყენებული მიკროსქემის დიზაინისა და ტექნიკური გადაწყვეტილებების სისწორეში დარწმუნება“.