ჩრდილოეთ კორეის ლიდერმა კიმ ჩენ ინმა საბრძოლო მასალის წარმოებისა და ატომური იარაღის სექტორს, აშშ-ის „უპრეცედენტო კონფრონტაციულ ქმედებებთან დასაპირისპირებლად“, ომისთვის მზადების დაჩქარება დაავალა.
ქვეყნის მმართველი პარტიის მთავარ შეხვედრაზე ახალი წლის პოლიტიკის მიმართულებებზე საუბრისას, კიმმა, ასევე, აღნიშნა, რომ ფხენიანი გააფართოებს სტრატეგიულ თანამშრომლობას „ანტიიმპერიალისტურ დამოუკიდებელ“ ქვეყნებთან.
ჩრდილოეთ კორეა აფართოებს კავშირებს, განსაკუთრებით რუსეთთან, რადგან ვაშინგტონი ფხენიანს ადანაშაულებს მოსკოვისთვის სამხედრო აღჭურვილობის მიწოდებაში, ხოლო რუსეთი ტექნიკურ დახმარებას უწევს ჩრდილოეთ კორეას სამხედრო შესაძლებლობების გაუმჯობესებაში.
DPRK-ის ლიდერმა ახალი წლის ეკონომიკური მიზნებიც ჩამოაყალიბა და მას „გადამწყვეტი წელი“ უწოდა ქვეყნის განვითარების ხუთწლიანი გეგმის განსახორციელებლად.