დანიის საგარეო საქმეთა მინისტრმა ლარს ლოკე რასმუსენმა განაცხადა, რომ უკრაინას შეუძლია დანიური იარაღის რუსეთის ტერიტორიაზე, კურსკის ოლქში გამოყენება.
რასმუსენის თქმით, დანიის მხარდაჭერა უკრაინისადმი უცვლელი რჩება, მიუხედავად ბოლო საომარი მოქმედებებისა კურსკის რეგიონში.
„თავდაცვა შეიძლება მოიცავდეს აგრესორის ტერიტორიაზე შესვლას. თავდასხმა აგრესორის ინფრასტრუქტურაზე ან სამხედრო ობიექტებზე თუ ხდება, ეს სრულად შეესაბამება ომის წესებს. ვერ დააწესებთ საზღვარს, რომ იარაღი შეიძლება გამოყენებულ იქნეს მხოლოდ უკრაინის ტერიტორიაზე. ეს არის თავდაცვითი ოპერაცია“, – აღნიშნა რასმუსენმა.