ამ ოთხ პარტიას შორის, რომელმაც 5%-იანი ბარიერი გადალახა, არანაირი კოორდინაცია და შეთანხმებული მოქმედება არ არსებობს, – განაცხადა პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარემ, გივი მიქანაძემ.
მისი თქმით, თუკი ოპოზიცია მანდატებზე უარს იტყვის, ამით თვითლიკვიდაციის რეჟიმზე გადავა.
„გვაქვს მოლოდინი, რომ ეს ადამიანები არ ჩახსნიან სიებს, არ იტყვიან უარს მანდატებზე. თუკი ასე გააკეთეს, მხოლოდ საკუთარ თავს დააზიანებენ და, ფაქტობრივად, თვითლიკვიდაციის რეჟიმში გადავლენ. ხოლო, თუკი ასე არ გააკეთებენ, საზოგადოებას კიდევ ერთხელ აჩვენებენ, თუ როგორი უპრინციპო და უღირსი ადამიანები არიან“, – აღნიშნა მიქანაძემ.