ეუთო/ოდირის დოკუმენტი გარდა იმ ზოგადი სიტუაციური აღწერისა და არჩევნების შეფასებისა, ასევე მოიცავს იმ რეკომენდაციებს, რომლებიც შემდგომში შესასრულებლად არის გათვალისწინებული, ეს ჩვენთვის სამუშაო დოკუმენტია, – განაცხადა პარლამენტის თავმჯდომარის მოადგილემ ნინო წილოსანმა.
მისი თქმით, მმართველი გუნდი ეუთოსთან თანამშრომლობას გააგრძელებს.
„ახლა უკვე ეუთოს საპარლამენტო პრეზიდენტი აღიარებს ქართულ ხელისუფლებას და გარკვეული თანამშრომლობის ნაბიჯებს სთავაზობს. თავისდათავად, ჩვენც მიგვაჩნია, რომ იმ რეკომენდაციების გათვალისწინება და მაქსიმალურად მუშაობა ამ დაფიქსირებული ხარვეზების ირგვლივ არის ის სივრცე, სადაც უნდა გაგრძელდეს ჩვენი თანამშრომლობა ეუთოსთან. ეუთო ოდირის დოკუმენტი გარდა იმ ზოგადი სიტუაციური აღწერისა და არჩევნების შეფასებისა, ასევე მოიცავს იმ რეკომენდაციებს, რომლებიც შემდგომში შესასრულებლად არის გათვალისწინებული, ჩვენთვის სამუშაო დოკუმენტია და რა თქმა უნდა, გავაგრძელებთ თანამშრომლობას“, – აღნიშნავს წილოსანი.
ეუთო/ოდირის საბოლოო დასკვნით დადასტურდა, რომ საქართველოში არჩევნები თავისუფალ და კონკურენტულ გარემოში ჩატარდა.