არქტიკა რუსეთის სტრატეგიული ინტერესების ზონაა, მოსკოვი დაინტერესებულია იქ მშვიდობისა და სტაბილურობის შენარჩუნებით და ამისთვის მზადაა სხვა ქვეყნებთან ურთიერთობისთვის, – ამის შესახებ კრემლის პრესმდივანმა დმიტრი პესკოვმა განაცხადა, რითაც უპასუხა ჟურნალისტების შეკითხვას აშშ-ის არჩეული პრეზიდენტის დონალდ ტრამპის განზრახვის შესახებ, რომ გრენლანდია აშშ-ის ნაწილი უნდა გახდეს.
„თქვენ იცით, რომ არქტიკული ზონა არის ჩვენი ეროვნული ინტერესების, სტრატეგიული ინტერესების ზონა. ჩვენ არქტიკულ ზონაში ვართ წარმოდგენილი და მომავალშიც ვიქნებით. დაინტერესებული ვართ არქტიკულ ზონაში მშვიდობის, სტაბილურობის შენარჩუნებით, მზად ვართ მსოფლიოს ყველა ქვეყანასთან ურთიერთობისთვის ამ მშვიდობის, სტაბილურობისთვის ყველგან და არქტიკულ ზონაშიც“, – აღნიშნა პესკოვმა.