ბელარუსის პრეზიდენტი ალექსანდრ ლუკაშენკო სამუშაო ვიზიტით ჩავიდა სანქტ-პეტერბურგში — ინფორმაციას ტელეგრამ-არხი „პულ პერვოგო“ ავრცელებს.
მანამდე ამავე არხმა დაწერა, რომ ბელარუსის ლიდერი გეგმავდა რუსეთის მონახულებას პარასკევს, 1 აგვისტოს.
მოგვიანებით, რუსეთის პრეზიდენტის პრესმდივანმა დმიტრი პესკოვმა ლუკაშენკოს ვიზიტი ოფიციალურად დაადასტურა. მისი თქმით, 1 აგვისტოს რუსეთში დაგეგმილია არაოფიციალური შეხვედრა ალექსანდრ ლუკაშენკოსა და ვლადიმირ პუტინს შორის, რომლის ფარგლებშიც ორი ქვეყნის ლიდერები განიხილავენ ორმხრივი ურთიერთობების საკითხებსა და საერთაშორისო დღის წესრიგში არსებულ თემებს.