რუსეთის პრეზიდენტმა, ვლადიმირ პუტინმა განაცხადა, რომ პრეზიდენტი დონალდ ტრამპი მართალია, როდესაც ამბობს, რომ 2022 წელს ომი არ იქნებოდა, თუკი ის იქნებოდა ხელისუფლებაში.
პუტინმა ეს განცხადება ტრამპთან ერთად გამართულ პრესკონფერენციაზე გააკეთა, რომელიც ალასკაზე მათი შეხვედრის შემდეგ გაიმართა.
რუსეთის ლიდერის თქმით, ტრამპი პრეზიდენტი რომ ყოფილიყო, თავდასხმა არ მოხდებოდა.
ტრამპი დიდი ხანია ადანაშაულებს თავის წინამორბედს, ყოფილ პრეზიდენტ ჯო ბაიდენს, რომელმაც მისი თქმით, საკმარისი არ გააკეთა უკრაინაში რუსეთის შეჭრის თავიდან ასაცილებლად.