ბულგარეთის დედაქალაქ სოფიაში ჭაბუკთა შორის ძიუდოს მსოფლიო ჩემპიონატი მიმდინარეობს. ტურნირზე ქართველი ძიუდოისტები წარმატებით ასპარეზობენ. ქართველი ძიუდოისტი გიორგი ზურაბაშვილი (-90 კგ) მსოფლიო ჩემპიონატის ბრინჯაოს პრიზიორი გახდა.
მესამე ადგილისთვის შეხვედრაში გიორგი ზურაბაშვილმა (-90 კგ) ბრაზილიელი ცეზარ დე გოდი ტრისტანტესი დაამარცხა. ბრინჯაოს მედლისათვის შეხვედრამდე კი სლოვაკი ჯოზეფ სვატეკი, კანადელი მეთიუ მოლჩანოვი და სლოვენიელი ალიაზ ფრანსა დაამარცხა, ნახევარფინალი კი ძიუდოს საერტაშორისო ფედერაციის სახელით მოასპარეზე აბდულა სულეიმანოვთან დათმო.
საქართველოს ნაკრებისთვის 2025 წლის ჭაბუკთა შორის ძიუდოს მსოფლიო ჩემპიონატზე ეს მეოთხე მედალია. მანამდე, გიორგი მუმლაძე (-81 კგ) ჩემპიონატის ვიცე-ჩემპიონი გახდა, ქეთი რობაქიძე (-70 კგ) და ვასილ გამეზარდაშვილი (-73 კგ) კი ბრინჯაოს მედალს დასჯერდნენ.
ქართველი ძიუდოისტები ტურნირზე საქართველოს სპორტის სამინიატროს მხარდაჭერით იმყოფებიან.
ინფორმაციას სპორტის სამინისტრო ავრცელებს.