„აბსურდული ომი, რომელიც რუსეთის უკრაინაში შეჭრით დაიწყო, უნდა შეწყდეს“, – ამის შესახებ გაეროს გენერალურმა მდივანმა ანტონიო გუტერეშმა განაცხადა.
„უკრაინაში ომის გაგრძელება მორალურად მიუღებელია, პოლიტიკურად გაუმართლებელია და სამხედრო თვალსაზრისით უაზროა“, – განაცხადა გუტერეშმა.
მისი თქმით, ომის გამო, უკრაინელი ხალხი ჯოჯოხეთში ცხოვრობს.
„ამ ომს გამარჯვებული არ ეყოლება. ადრე თუ გვიან, მოგვიწევს ბრძოლის ველიდან მოლაპარაკებების მაგიდასთან გადასვლა. დროა დასრულდეს ეს აბსურდული ომი“, – აღნიშნავს გაეროს გენერალური მდივანი.