„რუსეთი აპირებს ოდესისა და უკრაინის სხვა რეგიონების დაბომბვას საკრუიზო რაკეტებით“, – ამის შესახებ ოდესის რეგიონალური სამხედრო ადმინისტრაციის სპიკერმა სერგეი ბრაჩუკმა განაცხადა.
„სამწუხაროდ, მაღალია სარაკეტო დარტყმის ალბათობა. საფრთხე მუდმივია. საუბარია, პირველ რიგში, კალიბრის ტიპის საზღვაო საკრუიზო რაკეტებზე“, – აღნიშნა სერგეი ბრაჩუკმა.
ბრაჩუკმა აღნიშნა, რომ საკრუიზო რაკეტა დაფრინავს 800 კმ/სთ-ზე მეტი სიჩქარით დაპროგრამებული მდებარეობით. მას შეუძლია რამდენჯერმე შეცვალოს ტრაექტორია, ამიტომ მისი ჩამოგდება შეიძლება რთული იყოს: „მიუხედავად ამისა, ჩვენი ბიჭები ამას ძალიან კარგად ახერხებენ“.
„ჩვენ არ ვნერვიულობთ, მაგრამ გახსოვდეთ, რომ საფრთხე არსებობს და მტერი უნდა განადგურდეს“, – აღნიშნა ბრაჩუკმა.
შეგახსენებთ, გავრცელდა ინფორმაცია, რომ უკრაინა ვერ ხედავს რუსეთის განცხადებების რეალურ დადასტურებას ფრონტის გარკვეულ რაიონებში ჯარების გაყვანის შესახებ.