რუსმა სამხედროებმა დნეპროპეტროვსკის ოლქის სამხედრო ქვედანაყოფზე სარაკეტო იერიში მიიტანეს, – ამის შესახებ დნეპროპეტროვსკის რეგიონალური სახელმწიფო ადმინისტრაციის ხელმძღვანელმა ვალენტინ რეზნიჩენკმა განაცხადა.
„რუსებმა სამხედრო ნაწილზე სარაკეტო დარტყმა განახორციელეს. დაინგრა ადმინისტრაციული შენობა და საწვავის საცავი. ორი ადამიანი დაიღუპა. დაშავდა ხუთი“, – წერს დნეპროპეტროვსკის რეგიონალური სახელმწიფო ადმინისტრაციის ხელმძღვანელი.
მისივე თქმით, დაჭრილები საავადმყოფოში გადაიყვანეს, სამაშველო და ხანძარსაწინააღმდეგო სამუშაოები გრძელდება.