ქვეყნის ტერიტორიაზე ანტირუსული სანქციების განხორციელებისთვის სისხლისსამართლებრივი პასუხისმგებლობის დაწესების იდეას მხარი დაუჭირა რუსეთის უზენაესმა სასამართლომ. ამის შესახებ ფედერაციის საბჭოს საკონსტიტუციო კანონმდებლობისა და სახელმწიფო მშენებლობის კომიტეტის ხელმძღვანელმა ანდრეი კლიშასმა დღეს ტელეგრამის არხზე განაცხადა.
მანამდე სენატორმა განაცხადა, რომ ცვლილებების პაკეტზე მუშაობა დასრულებულია. მოსალოდნელია, რომ სახელმწიფო სათათბიროს დეპუტატები რუსეთის ფედერაციის სისხლის სამართლის კოდექსში ახალ ცვლილებებს 4 აპრილს განიხილავენ.
მას შემდეგ, რაც რუსეთის შეიარაღებულმა ძალებმა 24 თებერვალს უკრაინაში სამხედრო შეჭრა წამოიწყეს, დასავლეთის ქვეყნებმა მრავალი ეკონომიკური სანქცია დააწესეს . კრემლმა ამ ქმედებებს ეკონომიკური ომი უწოდა.