უკრაინის რეინტეგრაციის სამინისტრომ განაცხადა, რომ უკრაინულმა და რუსულმა მხარეებმა დაღუპული ჯარისკაცების ცხედრები „50-50-ზე“ ფორმულით გაცვალეს.
აღნიშნულია, რომ დაღუპული 50 უკრაინელი ჯარისკაციდან 37 აზოვსტალის გმირი დამცველია.
„გაცვლის ოპერაცია უკრაინის დროებით ოკუპირებული ტერიტორიების რეინტეგრაციის სამინისტრომ, შინაგან საქმეთა სამინისტრომ, უშიშროების სამსახურმა, შეიარაღებული ძალების გენერალურმა შტაბმა და სხვა სამართალდამცავმა უწყებებმა განახორციელეს. ცხედრების გაცვლა სამხრეთ-აღმოსავლეთ უკრაინის რეგიონში, ზაპოროჟიეში მოხდა“, – აღნიშნულია უკრაინის რეინტეგრაციის სამინისტროს პრესსამსახურის მიერ გავრცელებულ ინფორმაციაში.