„რუსეთი, სავარაუდოდ მზად არის უკრაინის საკითხზე ამერიკის შეერთებულ შტატებთან, დასავლეთის სხვა ქვეყნებთან და რომის პაპთან ისაუბროს. კრემლი მოლაპარაკებების არ არსებობის თვალსაზრისით, კვლავ უკრაინას ადანაშაულებს“, – ამის შესახებ RBC რუსეთის პრეზიდენტის პრესმდივან დმიტრი პესკოვზე დაყრდნობით იტყობინება.
„ჩვენ მზად ვართ განვიხილოთ ყველაფერი ამერიკელებთან, ფრანგებთან და პონტიფიკოსთან. კიდევ ერთხელ ვიმეორებ, რუსეთი ღიაა ყველანაირი კონტაქტისთვის, მაგრამ უკრაინამ დააკონკრეტა რომ არ სურს რუსეთთან მოლაპარაკება“, – აცხადებს პესკოვი.
გარდა ამისა, პესკოვმა კიდევ ერთხელ გააკრიტიკა უკრაინა, რუსეთთან მოლაპარაკებაზე უარის თქმის გამო.
ამასთან, უკრაინული მედია წერს, რომ საფრანგეთის პრეზიდენტმა ემანუელ მაკრონმა პონტიფიკოს სთხოვა, რომ აშშ-ს და სხვა ლიდერებს ესაუბროს იმის თაობაზე, რომ უკრაინაში ომი, რაც შეიძლება სწრაფად დასრულდეს.
მოლაპარაკებების საკითხში რაც შეეხება უკრაინის პოზიციას, პრეზიდენტმა ზელენსკიმ რუსეთის მიერ უკრაინის ოთხი რეგიონის უკანონო ანექსიის შემდეგ განაცხადა, რომ რუსეთთან მოლაპარაკება შეუძლებელია.