ერაყის დედაქალაქ ბაღდადში აფეთქების შედეგად 10 ადამიანი დაიღუპა, 20-ზე მეტი კი დაიჭრა. ამის შესახებ Reuters წერს.
აფეთქება მოხდა ავტოფარეხში, საფეხბურთო სტადიონთან და კაფესთან, როდესაც მანქანაზე მიმაგრებული ასაფეთქებელი მოწყობილობა აფეთქდა.
დაღუპულთა უმეტესობა ავტოფარეხის სიახლოვეს არსებულ სტადიონზე ფეხბურთს თამაშობდა.
მომხდარზე პასუხისმგებლობა ჯერჯერობით არცერთ დაჯგუფებას არ აუღია.