რუსეთის საგარეო საქმეთა სამინისტროს წარმომადგენლის, მარია ზახაროვას განცხადებით, რუსეთის ფედერაცია მზადაა უკრაინასთან მოლაპარაკებისთვის იმ რეალობის გათვალისწინებით, რომელიც ამ მომენტში იკვეთება.
„ჩვენ კვლავ ღია ვართ მოლაპარაკებებისთვის. ჩვენ არასოდეს გვითქვამს უარი მათზე. ჩვენ მზად ვართ ჩავატაროთ ისინი, რა თქმა უნდა, იმ რეალობის გათვალისწინებით, რომელიც ამ მომენტში იკვეთება“, – განაცხადა ზახაროვამ.
მანამდე, უკრაინის პრეზიდენტმა, ვოლოდიმირ ზელენსკიმ განაცხადა, რომ კიევი მზად არის მოსკოვთან მოლაპარაკებებისთვის მხოლოდ იმ შემთხვევაში, თუ რუსეთის ფედერაცია დააკმაყოფილებს მთელ რიგ პირობებს.