რუსეთისა და აშშ-ის პრეზიდენტების — ვლადიმირ პუტინისა და დონალდ ტრამპის — შეხვედრამ, რომელიც ალასკაზე წუხელ შედგა, უკრაინაში მშვიდობის მიღწევის იმედი გააჩინა. ამის შესახებ იტალიის პრემიერ-მინისტრმა ჯორჯია მელონიმ განაცხადა.
მისი თქმით, იტალია დასავლელ მოკავშირეებთან ერთად აგრძელებს საკუთარი წვლილის შეტანას კრიზისის დარეგულირებაში.
„საბოლოოდ, ჩნდება იმედი უკრაინაში მშვიდობიანი მოლაპარაკებების დაწყებისთვის“ — დაწერა მელონმა სოციალურ ქსელ X-ში.
იტალიის პრემიერის განცხადებით, უკრაინის ომის დასრულებაზე შეთანხმება კვლავაც რთული პროცესია, თუმცა ახლა ის „უკვე შესაძლებლად გამოიყურება“.
მანამდე ცნობილი გახდა, რომ ევროპული ქვეყნები მზად არიან გააგრძელონ სანქციების ზეწოლა რუსეთის წინააღმდეგ. ამის შესახებ ნათქვამია ევროკომისიისა და ევროპული საბჭოს პრეზიდენტების, ასევე გერმანიის, საფრანგეთის, იტალიის, პოლონეთის, ფინეთისა და ევროკავშირის ფარგლებს გარეთ მყოფი დიდი ბრიტანეთის ლიდერების ერთობლივ განცხადებაში.
15 აგვისტოს ალასკაზე გაიმართა რუსეთ–ამერიკის სამიტი. მოლაპარაკებები ორი საათსა და ნახევარზე მეტხანს გაგრძელდა. შეხვედრის შემდეგ ვლადიმირ პუტინმა აღნიშნა, რომ გასული პერიოდი ძალიან რთული აღმოჩნდა რუსეთ–აშშ-ის ორმხრივი ურთიერთობებისთვის.