უკრაინელი დამცველები გაანადგურებენ ბელარუსის ჯარისკაცებს, რომლებიც გადაკვეთენ უკრაინის საზღვარს. – უკრაინის ეროვნული უსაფრთხოებისა და თავდაცვის საბჭოს მდივანი ალექსეი დანილოვი
აღნიშნულ ინფორმაციას pravda.com წერს.
„თუ ერთი ბელარუსი ჯარისკაცი მაინც გადაკვეთს უკრაინის საზღვარს, ის განადგურდება. ბელარუს ხალხს ეს ნამდვილად არ სჭირდება, ეს მხოლოდ პუტინისთვისაა. რუსეთის ფედერაციის პრეზიდენტი აიძულებს ალექსანდრე ლუკაშენკოს, გადაწყვიტოს ბელორუსის არმიის შეჭრა, მაგრამ ლუკაშენკოს ესმის, რომ ეს ბელარუსის კოლაფსი იქნება“, – განაცხადა დანილოვმა.
დანილოვმა დასძინა, რომ რუსეთი უკვე იყენებს ბელარუსის ტერიტორიას უკრაინის წინააღმდეგ აგრესიის მხარდასაჭერად, მაგრამ სურს მათი ომში კიდევ უფრო ჩათრევა.