აშშ-ის სამხედრო ხელმძღვანელობამ რუმინეთიდან დაახლოებით 800 ამერიკელი ჯარისკაცის გამოყვანის გადაწყვეტილება მიიღო. ინფორმაციას რუმინული მედია ავრცელებს.
მედიის თანახმად, აშშ-მა ჯარისკაცები აგრეთვე უნდა გამოიყვანოს ბულგარეთიდან, სლოვაკეთიდან და უნგრეთიდან.
გავრცელებული ინფორმაციით, აშშ-მა თავისი გადაწყვეტილების შესახებ რუმინეთს ნატოს ოფიციალური არხებით აცნობა. საუბარია თეთრი სახლის გადაწყვეტილებაზე, შესაბამისად, ის გამოქვეყნებისთანავე ძალაში შედის, თუმცა, როგორც მედია წერს, კონგრესს თეორიულად ამის შეჩერება შეუძლია.
დღესდღეობით რუმინეთში ათასამდე ამერიკელი სამხედროა განთავსებული. ისინი ქვეყნის სამ ბაზაზე არიან დისლოცირებულნი.