ბრიტანეთის პრემიერ-მინისტრი ბორის ჯონსონი განიხილავს საგანგებო ვიზიტს კიევში უკრაინის პრეზიდენტ ვოლოდიმირ ზელენსკისთან პირადი შეხვედრისთვის. ინფორმაციას „უნიანი“ ავრცელებს.
უსაფრთხოების სამსახურები ამჟამად ამოწმებენ ასეთი მოგზაურობის შესაძლებლობას. მედიის ცნობით, მიუხედავად გაფრთხილებისა, ჯონსონს უკრაინაში წასვლა და ზელენსკისთან შეხვედრა მაინც სურს.
ამ გზით ბრიტანეთის პრემიერ-მინისტრი აპირებს სოლიდარობა გამოხატოს უკრაინის მიმართ.
გამოცემა აღნიშნავს, რომ რთული იქნება პრემიერ-მინისტრის უსაფრთხოების უზრუნველყოფა მისი ვიზიტის შემთხვევაში.