რუსეთის საგამოძიებო კომიტეტის ხელმძღვანელმა, ალექსანდრე ბასტრიკინმა ქალაქ ბუჩაში, საოკუპაციო ძალების მიერ მშვიდობიანი მოსახლეობის ხოცვას „უკრაინის პროვოკაცია“ უწოდა და საქმესთან დაკავშირებით, ოფიციალური ექსპერტიზის დაწყების ბრძანება გასცა. ამის შესახებ ინფორმაციას Reuters-ზე დაყრდნობით The Guardian წერს.
საგამოძიებო კომიტეტის ცნობით, ექსპერტიზის დაწყების მიზეზად, ალექსანდრე ბასტრიკინმა უკრაინის მიერ „ცრუ ინფორმაციის განზრახ გავრცელება“ დაასახელა.
აღნიშნული განცხადების დასადასტურებლად, ალექსანდრე ბასტრიკინს არანაირი მტკიცებულება არ წარმოუდგენია.