ჩეხეთის მთავრობის წარმომადგენლები ჩეხეთისა და უკრაინის მთავრობების ერთობლივ შეხვედრაზე დასასწრებად კიევში ჩავიდნენ, – ინფორმაციას უკრაინაში ჩეხეთის საეჩო ავრცელებს.
მათივე ცნობით, დელეგაციას ჩეხეთის პრემიერ-მინისტრი, პეტრ ფიალა ხელმძღვანელობს. მის შემადგენლობაში ასევე შედის რამდენიმე მინისტრი.
„კიევში ჩასვლისთანავე ჩეხეთის დელეგაციამ დაათვალიერა რუსეთის დაბომბვის შედეგად განადგურებული შენობები”, – აღნიშნულია საელჩოს ინფორმაციაში.
მათივე ცნობით, ჩეხეთის მთავრობის წარმომადგენლები დღის განმავლობაში უკრაინის პრეზიდენტთან და უკრაინელ კოლეგებთან შეხვედრებს გამართავენ.