კომპანია Coca-Cola-მ ევროპის რამდენიმე ქვეყნიდან პროდუქცია უკან გაიწვია, რადგანაც მასში ქლორატის მაღალი შემცველობა დაფიქსირდა. ამის შესახებ BBC იუწყება.
კომპანიის განცხადებაში აღნიშნულია, რომ პროდუქცია ბელგიიდან, ლუქსემბურგიდან და ნიდერლანდებიდან გაიწვია.
Coca-Cola-ს წარმომადგენლები აცხადებენ, რომ მომხმარებლისთვის ზიანის ალბათობა მინიმალურია, მაგრამ, ამის მიუხედავად, გაზიანი სასმელების კომპანიამ აღნიშნული პარტიის უკან გაწვევა გადაწყვიტა. ასევე კომპანიაში აცხადებენ, რომ მომხმარებლებისგან ჯანმრთელობის გაუარესებასთან დაკავშირებით საჩივრები არ შესულა.
„აუცილებელია დავფიქრდეთ, გვსურს თუ არა საკვებად გამოვიყენოთ ისეთი უალკოჰოლო სასმელები, რომლებიც შეიცავს ქიმიურ ნივთიერებებს, რომლებიც ფოიერვერკებში და სადეზინფექციო საშუალებებში გამოიყენება“, – განაცხადა დიდი ბრიტანეთის ჯანდაცვის ეროვნული სამსახურის დიეტელოგმა კერონ გრეზეტმა.
Coca-Cola-ს წარმომადგენლები აცხადებენ, რომ პროდუქციის ხარისხი და უსაფრთხოება კომპანიის პრიორიტეტია.