რუსეთის თავდაცვის სამინისტროს სპიკერმა იგორ კონაშენკოვმა უკრაინული მხარის დანაკარგების შესახებ ისაუბრა.
კონაშენკოვის თქმით, რუსებმა ომის დაწყების შემდეგ 1 981 უკრაინული ტანკი და ჯავშანტექნიკა, 125 თვითმფრინავი და 93 ვერტმფრენი გაანადგურეს.
„საერთო ჯამში, განადგურდა: 125 თვითმფრინავი, 93 ვერტმფრენი, 407 უპილოტო საფრენი აპარატი, 227 საზენიტო სარაკეტო სისტემა, 1 981 ტანკი და სხვა ჯავშანტექნიკა, 215 MLRS, 854 საარტილერიო იარაღი და ნაღმტყორცნები, ასევე 1 882 ერთეული სპეციალური სამხედრო მანქანა“, – განაცხადა რუსეთის თავდაცვის სამინისტროს სპიკერმა.