ტელეკომპანია სეზონი

აგვისტო 30, 2025 20:59 საათი

თბილისი

Aug 30 - Sat
Tbilisi, GE
27°C clear sky

გიორგი სოსიაშვილი: გახარიას ერთადერთი წყურვილი – გარე პატრონების თამაშში ჩართვაა, მაგრამ მათი გადატრიალების მცდელობა მარცხით დასრულდება

ის ჯერ გაექცა თავის თანაგუნდელებს, შემდეგ – თავის ამომრჩეველს. ეს პასუხისმგებლობისგან გაქცეული ადამიანის ქმედება და ნაბიჯებია, რასაც ჩვენ ვხედავთ, – განაცხადა განათლების, მეცნიერებისა და ახალგაზრდულ საქმეთა საპარლამენტო კომიტეტის თავმჯდომარის მოადგილემ, გიორგი სოსიაშვილმა გიორგი გახარიაზე საუბრისას.

მისივე თქმით, გახარიას მიერ გერმანიის ბანკში ანგარიშის გახსნა, გერმანიასთან გარკვეული ურთიერთობის დაჭერა, სამომავლოდ რაღაც გეგმების დალაგებას ნიშნავს.

„ნიშნავს იმას, რომ მას და მის თანაგუნდელებს ამოძრავებთ ერთადერთი წყურვილი, რომ მომავალში მათ ითამაშონ გარკვეული როლი გარე პატრონების ხელში და ჩაერთონ გადატრიალების მცდელობაში. თუმცა, მათი ეს მცდელობა მარცხით დასრულდება, როგორც არა ერთხელ გვიხილავს“, – აღნიშნა სოსიაშვილმა.

არსებული ინფორმაციით, გიორგი გახარიამ გერმანიაში ბინადრობის ნებართვა მიიღო და ბანკში ანგარიშის გახსნასაც ელოდება. გახარიას პარტიაში „ქრონიკის“ შეტყობინებებს არ პასუხობენ, სხვა მედიასაშუალებებთან კი აცხადებენ, რომ მათი ლიდერი სამუშაო ვიზიტითაა წასული.

გააზიარე

მსგავსი სიახლეები

გადაცემები

სიახლეები

კატეგორიაში სტატია არ არის