სალომე ზურაბიშვილმა ზუსტად იცის მასზე, რას ფიქრობენ რადიკალურ ოპოზიციაში, კოლექტიურ „ნაცმოძრაობაში“, – განაცხადა პარლამენტის პირველმა ვიცე-სპიკერმა გიორგი ვოლსკიმ რადიკალურ ოპოზიციაში დაპირისპირებასთან დაკავშირებით, რომელიც არჩევნების თარიღსა და ხელისუფლების ცვლილების საკითხებს უკავშირდება. საუბარია სოციალურ ქსელში პეტრე ცისკარიშვილის და ბაჩო დოლიძის მიერ გამოქვეყნებულ პოსტებზე, რომლებმაც სალომე ზურაბიშვილს პოზიციები და გეგმები დაუწუნეს.
მისი თქმით, სალომე ზურაბიშვილის მიმართ რადიკალების დამოკიდებულება რეალურად არ შეცვლილა და მათი ყალბი ერთობა რევოლუციის მოწყობას ემსახურება.
„ჩუმი დაპირისპირება, რომელიც ზედაპირზე არ ჩანს, შენარჩუნებულია მაგრამ ამავე დროს უნდა გავითვალისწინოთ ისიც, რომ უნისონი არსებობს. უნისონი არსებობს ერთის მხრივ სალომე ზურაბიშვილის, რომელიც უნდა წარმოჩინდეს, როგორც ადამიანი ვისი ხელებიც არ არის სისხლში ისე როგორც ნაცმოძრაობის. ადამიანი, რომელიც რაღაც მოლაპარაკებების გზას ადგას თითქოს. და მეორე მხრივ, ეს ალტერნატივა რასაც ჰქვია ნგრევა, რევოლუცია, ხელისუფლების ჩამოშლა და საქართველოს დაზიანება“, – განაცხადა გიორგი ვოლსკიმ.