Twitter-ის ახალმა მფლობელმა ილონ მასკმა განაცხადა, რომ ის Twitter-ის აღმასრულებელი დირექტორის თანამდებობას დაიკავებს.
france 24-ის ცნობით, ეს ნაბიჯი მასკმა მას შემდეგ გადადგა, რაც მან გასულ კვირას Twitter-ის აღმასრულებელი დირექტორი პარაგ აგრავალი და კომპანიის სხვა მაღალჩინოსნები გაათავისუფლა.
კომპანიის შეძენის შემდეგ მასკმა ცვლილებების სწრაფად განხორციელება დაიწყო.
აღსანიშნავია, რომ ილონ მასკმა Twitter-ი 44 მილიარდ დოლარად შეისყიდა. ფინანსური გარიგების დასრულების შემდეგ, მასკმა „ტვიტერში“ დაწერა, რომ „ჩიტი თავისუფალია“.
მასკმა ასევე პირობა დადო, რომ Twitter-ზე განთავსებული მასალის კონტროლი შემსუბუქდება და მომხმარებლების ნაწილს ბლოკი მოეხსნება.