ამერიკელმა მილიარდერმა და აშშ-ის მთავრობის ეფექტურობის დეპარტამენტის (DOGE) ხელმძღვანელმა ილონ მასკმა განაცხადა, რომ ის აღარ იმუშავებს შეერთებული შტატების ადმინისტრაციაში. წერს CNBC
„მინდოდა მადლობა გადამეხადა ყველასთვის. ჩემთვის თქვენთან მუშაობა დიდი პატივი იყო. მადლობა ყველაფრისთვის“, – განაცხადა მასკმა მთავრობის სხდომაზე.
საპასუხოდ, აშშ-ის პრეზიდენტმა დონალდ ტრამპმა მას დახმარებისთვის მადლობა გადაუხადა და ხაზგასმით აღნიშნა, რომ მასკმა ბევრ რამეზე თქვა უარი და ძალიან არასამართლიანად ეპყრობოდნენ.
„მათ ჩემი მანქანების დაწვა მოსწონთ, რაც კარგი არ არის“, – განაცხადა მასკმა და იგულისხმა კომპანია „ტესლას“ მიერ გამოშვებული ავტომობილების წინააღმდეგ ჩადენილი ვანდალიზმის ფაქტები.
ტრამპმა აგრეთვე ხაზი გაუსვა იმას, რომ ამერიკელების უმეტესობა პატივს სცემს მასკს და მას მის გუნდში დარჩენა შესთავაზა.