უკრაინულ ძალებს, რომლებიც აღმოსავლეთ უკრაინის ქალაქ სევეროდონეცკისა და ლისიჩანსკის კონტროლისთვის იბრძვიან, კატასტროფულად აკლიათ საარტილერიო იარაღი, – ამის შესახებ უკრაინის ეროვნული გვარდიის მეთაურმა პეტრო კუზიკმა განაცხადა.
„პრობლემა არ არის ის, რომ ჩვენ გვაქვს ცუდი პოზიციები, ან ცუდად მანევრირებთ, პრობლემა ის არის, რომ კატასტროფულად გვაკლია საარტილერიო იარაღი“, – აღნიშნა ეროვნული გვარდიის მეთაურმა.
როგორც ლუგანსკის რეგიონული სამხედრო ადმინისტრაციის ხელმძღვანელმა, სერგეი გაიდაიმ განაცხადა, სევეროდონეცკის უმეტეს ნაწილს ახლა რუსები აკონტროლებენ, თუმცა ინდუსტრიულ ზონაში ოკუპანტები არ არიან.