რუსეთის საგარეო საქმეთა სამინისტროს პრესსპიკერის მარია ზახაროვას განცხადებით, რუსეთის პრეზიდენტის თანაშემწის, ვლადიმერ მედინსკის ხელმძღვანელობით, რუსეთის დელეგაცია 2 ივნისს სტამბოლში ჩავა უკრაინასთან პირდაპირი მოლაპარაკებების მეორე რაუნდისთვის.
„ვადასტურებთ, რომ რუსეთის პრეზიდენტის თანაშემწის, ვლადიმერ მედინსკის ხელმძღვანელობით რუსეთის დელეგაცია 2 ივნისს სტამბოლში იქნება მოლაპარაკებების მეორე რაუნდისთვის. ის მემორანდუმის პროექტით და ცეცხლის შეწყვეტის შესახებ სხვა წინადადებებით ჩავა“, – აღნიშნა რუსეთის საგარეო საქმეთა სამინისტროს პრესსპიკერმა.