მათიკაშვილი ხაბეიშვილის განცხადებაზე: არ ვიცი ვინ უთხრა, რომ „მშვიდობიანს“ თუკი დავამატებთ ძალმომრეობითი შინაარსის მქონე ფრაზას, გამართლდება სურვილები „ნაცკასტისა“, რომ კვლავ ანტიკონსტიტუციური მოქმედებები განახორციელონ

არ ვიცი ვინ უთხრა, რომ „მშვიდობიანს“ თუკი დავამატებთ ძალმომრეობითი შინაარსის მქონე ფრაზას, რაიმე ფორმით გამართლდება სურვილები „ნაცკასტისა“, რომ საკუთარ ქვეყანაში კვლავ ანტიკონსტიტუციური მოქმედებები განახორციელონ, – ასე ეხმაურება საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილი ლევან ხაბეიშვილის განცხადებას, რომელიც კვლავ ხელისუფლების „მშვიდობიან დამხობაზე“ საუბრობს.

მისი თქმით, ხაბეიშვილი საზოგადოების ინტერესებს აცდენილია, კანონის დარღვევის შემთხვევაში კი ყველა პირი დაისჯება.

„მას არ ვიცი ვინ უთხრა ეს, რომ „მშვიდობიანს“ თუკი დავამატებთ ძალმომრეობითი შინაარსის მქონდე ფრაზას, რაიმე ფორმით გამართლდება ეს სურვილები „ნაციონალებისა“, „ნაცკასტისა“, რომ საკუთარ ქვეყანაში კვლავ ანტიკონსტიტუციური მოქმედებები და რაღაც რეზულტატები დააყენონ. სახელმწიფო იქნება აბსოლუტურად შეუვალი ყველა იმ პირის მიმართ, ვინც რაიმე ფორმით ანტიკონსტიტუციურ, არალეგიტიმურ, სამართლისა და კანონმდებლობისგან გვერდის არიდებით შეეცდებიან ჩვენს ქვეყანაში საკუთარი პოლიტიკური დღის წესრიგის დანერგვას“, – განაცხადა დავით მათიკაშვილმა.