მოძრაობა „რიონის ხეობის გადარჩენისთვის“ ლიდერმა, ვარლამ გოლეთიანმა განაცხადა, რომ თურქული კომპანია „ენკა რინიუებლზი“, რომელიც ნამახვანჰესს აშენებდა, ხეობას ტოვებს და საკუთარი ბაზების დემონტაჟს ახორციელებს.
„აქ, ნამოხვანში ვიმარჯვებთ და სულ მალე ეს გამარჯვება გაფორმდება, იმიტომ, რომ „ენკას“ თავისი ინფრასტრუქტურის დემონტაჟი დაწყებული აქვს და გააქვს, ნაწილი ტექნიკისა გაიტანა კიდეც. ვიდრე ხეობა მთლიანად არ გათავისუფლდება და ჩვენი თვალით არ ვნახავთ, მანამდე არ ვტოვებთ აქაურობას, თუმცა
იმას, რომ ჩვენ სხვადასხვ დროს მრავალათასიანი აქციები ჩავატარეთ და ამ პროტესტის გარშემო უამრავი ადამიანია მობილიზებული, რა თქმა უნდა, შედეგი აქვს. თუმცა, ეს საკმარისი არ არის და ჩვენ გვჭირდება გაცილებით ფართო ხედვა საკითხთან დაკავშირებით“, – განაცხადა ვარლამ გოლეთიანმა.