სომხეთი არ დაუშვებს უცხოელი მებრძოლების გადაყვანას და განლაგებას უკრაინაში, შემდგომში ომში მონაწილეობის მიზნით. სომხეთის პრემიერ-მინისტრის ნიკოლ ფაშინიანის თქმით, მისი ქვეყანა მთიანი ყარაბაღის ომის შედეგად საკმარისად დაზარალდა.
„ცხადია, სომხეთი, რომელიც ორი წლის წინ დაზარალდა მთიანი ყარაბაღის ომში დაქირავებული ტერორისტების მონაწილეობით, ვერასოდეს შეძლებს, ხელი შეუწყოს უკრაინაში უცხოელი ტერორისტების გადაყვანას და განლაგებას სომხეთის ტერიტორიის გავლით”, – წერს ფაშინიანი.