პოლონეთის დედაქალაქში უნგრეთის საელჩოს წინ აქტივისტებმა აქცია პერფორმანსი გამართეს, რითაც, მათივე თქმით, კრემლის ლიდერის მიმართ უნგრეთის პრემიერის ვიქტორ ორბანის დამოკიდებულება გააპროტესტეს.
აქტივისტებმა აქციაზე პუტინის საფრთხობელად მიიტანეს.
„ორბანმა არაერთხელ დაამტკიცა, რომ ის პუტინის სუპერ მეგობარია. როდესაც უნგრეთის პრემიერი სამყაროს სხვა პერსპექტივიდან შეხედავს, ბევრი რამ შეიცვლება. რუსეთი ტერორისტული ქვეყანაა, მისი გაზი არა მხოლოდ საშინლად სუნიანი, არამედ მომაკვდინებელიცაა და მისი პოლიტიკის გამო მსოფლიო ახლა ეკონომიკური კრიზისის წინაშე დგას“, – აცხადებენ აქციის ორგანიზატორები.