პოლონეთში ჩასული ქართველი „კანონიერი ქურდების“ შეკრება დაკავებებით დასრულდა.
ვარშავაში ჩატარებული სპეცოპერაციის შედეგად 4 „კრიმინალური ავტორიტეტი“ დააკავეს. რამდენიმე მათგანმა გაქცევა მოახერხა.
დაკავებულებს შორის არიან რამაზ ჯინჭარაძე, ალეკო პავლიაშვილი, სულხან თვალჭრელიძე და მამუკა კვიჟინაძე. ისინი მინდია გორაძის, იგივე ლავასოღლის დაჯგუფების წევრები არიან. თავად გორაძემ ადგილიდან მიმალვა შეძლო.
როგორც ცნობილია, ვარშავაში „კანონიერი ქურდების“ შეკრებას 35 „კრიმინალური ავტორიტეტი“ ესწრებოდა. შეხვედრის მიზანს სხვადასხვა დაჯგუფებას შორის დაპირისპირების მოგვარება წარმოადგენდა.