რუსეთის პრეზიდენტმა, ვლადიმირ პუტინმა ირანის საგარეო საქმეთა მინისტრ აბას არაღჩისთან შეხვედრაზე ირანზე განხორციელებულ დარტყმებს „არაპროვოცირებული აგრესია“ უწოდა, რომელსაც „არანაირი საფუძველი და გამართლება არ გააჩნია“.
„ეს არის აბსოლუტურად არაპროვოცირებული აგრესია ირანის წინააღმდეგ, [მას] არ გააჩნია არანაირი საფუძველი და არანაირი გამართლება“, – ხაზგასმით აღნიშნა რუსეთის პრეზიდენტმა.
„ჩვენი პოზიცია მიმდინარე მოვლენებთან დაკავშირებით კარგადაა ცნობილი. ის ნათლად არის გადმოცემული, არტიკულირებული საგარეო საქმეთა სამინისტროს მიერ“, – დასძინა პუტინმა.
როგორც რუსეთის საგარეო საქმეთა სამინისტროს ადრე გამოქვეყნებული განცხადებიდან გამომდინარეობს, მოსკოვი მკაცრად გმობს ამერიკულ თავდასხმებს ირანის ბირთვულ ობიექტებზე.