რუსეთის პრეზიდენტმა ვლადიმერ პუტინმა ომის დასრულების დიპლომატიური გზების მიმართ ინტერესი დაკარგა. მან რაც შეიძლება მეტი ტერიტორიის ხელში ჩაგდება გადაწყვიტა, – ამის შესახებ Financial Times-ი პუტინის გარემოცვაში მყოფ სამ ანონიმურ პირზე დაყრდნობით იუწყება.
ანონიმური პირების თქმით, პუტინი გაბრაზდა მას შემდეგ, რაც უკრაინამ რუსული კრეისერი „მასკვა“ ჩაძირა.
„იყო შეთანხმების იმედი, მაგრამ „მასკვას“ ჩაძირვის შემდეგ ყველაფერი შეიცვალა. პუტინი რაიმე დოკუმენტზე ხელმოწერის წინააღმდეგ წავიდა, რადგან „მასკვას“ ჩაძირვის შემდეგ იგი გამარჯვებულად აღარ გამოვიდოდა“, – განაცხადა ანონიმურმა პირმა.