ჩრდილოეთ კორეის ლიდერმა კიმ ჩენ ინმა ვლადიმერ პუტინს დაბადების დღე მიულოცა და შეაქო ის გამორჩეული ლიდერობისა და მტკიცე ნებისყოფისთვის.
წერილის მიხედვით, კიმ ჩენ ინი პუტინს ულოცავს წლების მანძილზე რუსეთის ინტერესებისა და ღირსების საიმედოდ დაცვას და იმედოვნებს, რომ ორი ქვეყნის ურთიერთობა კიდევ უფრო გაძლიერდება.
წერილში აღნიშნულია, რომ რუსეთის ლიდერი სარგებლობს მაღალი პატივისცემითა და მხარდაჭერით ხალხის ფართო მასების მხრიდან.
„დღეს, რუსეთი საიმედოდ იცავს საკუთარ ღირსებასა და ფუნდამენტურ ინტერესებს აშშ-სა და მისი ვასალური ძალებისგან მომდინარე გამოწვევებისა და საფრთხეებისგან. ასეთი რეალობა წარმოუდგენელი იქნებოდა თქვენი გამოკვეთილი ლიდერობისა და შეუპოვრობის გარეშე. იმედს გამოვთქვამ, რომ ჩვენი პირადი კავშირები დიდ როლს ითამაშებენ ჩრდილოეთ კორეისა და რუსეთის მეგობრობის კონსოლიდირებასა და განვითარებაში“, – წერს კიმ ჩენ ინი.
მისი თქმით, ჩრდილოეთ კორეასა და რუსეთს შორის თანამშრომლობა ისეთი ძლიერია, როგორც არასდროს.