რუსეთში, დაქირავებული სირიელი ჯარისკაცების პირველი კონტინგენტი, უკრაინის წინააღმდეგ ომში საბრძოლველად, უკვე ჩავიდა. ამის შესახებ The New York Times იტყობინება.
გამოცემის თანახმად, ჯგუფი მინიმუმ 300 ჯარისკაცისგან შედგება, რომლებიც აქამდე, სირიის არმიის დაზვერვაში მსახურობდნენ. გავრცელებული ინფორმაციით, მათ 6 თვის განმავლობაში, თვეში ერთხელ 1 200 დოლარს გადაუხდიან, ხოლო სირიაში დაბრუნებისას კი, ბონუსის სახით 3 000 მისცემენ.
The New York Times-ის წყაროს ცნობით, რუსეთი სირიიდან კიდევ 16 000 დაქირავებული მებრძოლის ჩართვასაც აპირებს.
ბრძოლის მასშტაბის, დაღუპული და დაჭრილი რუსების დიდი რაოდენობისა და რუსეთის მჭიდრო კავშირების გათვალისწინებით, უკრაინის ომმა შეიძლება, სირიელი ჯარისკაცების კიდევ უფრო დიდი რაოდენობა მიიზიდოს.
მედია იუწყება, რომ რეკრუტერები სირიაში, ათასობით დაინტერესებული კანდიდატის სიას უკვე ადგენენ. ჯარისკაცთა კანდიდატურის არჩევის დროს, უპირატესობა საბრძოლო გამოცდილების მქონე მამაკაცებს ენიჭებათ. ისინი თავიანთ ჯარისკაცებს, რუსებს სირიის უშიშროების სამსახურებში შემოწმების გავლის შემდეგ გადასცემენ.
გავრცელებული ინფორმაციით, სირიელი სამხედროები რუს ოფიცრებთან „მჭიდროდ თანამშრომლობენ“. მიუხედავად ამისა, ხაზგასასმელია, რომ საქმიანობის ფარული ხასიათის გამო, ბევრი რამ მათი განლაგებისა და ზუსტი საქმიანობის შესახებ გაურკვევლად რჩება.