რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ უსაფუძვლო უწოდა ბრალდებებს რუსეთის ჩართულობის შესახებ საქართველოს საშინაო საქმეებში და დაადანაშაულა დასავლეთი ქვეყანაში მისი ლოიალური ხელისუფლების დაყენების მცდელობაში.
„ეს ბრალდებები აბსოლუტურად უსაფუძვლოა, ჩვენ მტკიცედ უარვყოფთ მათ… როდესაც ისინი საუბრობენ რუსეთის სავარაუდო ჩარევაზე, ეს არის სიტუაცია, როდესაც ქურდს ქუდი ეწვისო“, – განაცხადა ზახაროვამ ბრიფინგზე.
ზახაროვამ ასევე იმედი გამოთქვა, რომ ქართველ ხალხს შეეძლება საკუთარი იდენტობის დაცვა.