რუსეთმა გაერთიანებული სამეფოსთვის დაწესებული სანქციები გააფართოვა და სიას დაამატა გაერთიანებული სამეფოს ანალიტიკური ცენტრებისა და საკონსულტაციო სააგენტოების 32 წარმომადგენელი, რომლებიც ქვეყნის საგარეო საქმეთა სამინისტროს თქმით, „ანტირუსულ ხაზს ატარებენ“.
როგორც უწყებაში აცხადებენ, სიის გაფართოებაზე მუშაობა მომავალშიც გაგრძელდება.
„ლონდონის მტრულ ძალისხმევაში მნიშვნელოვან როლს თამაშობს ბრიტანეთში მოქმედი მრავალი ანალიტიკური ცენტრი, საკონსულტაციო სააგენტო და მსგავსი პროფილის სხვა სტრუქტურა. ამასთან დაკავშირებით, მივიღეთ გადაწყვეტილება, რიგი ასეთი სტრუქტურა „სტოპ-ლისტში“ შეგვეყვანა და მათთვის რუსეთის ფედერაციაში შესვლა აგვეკრძალა“, – ნათქვამია განცხადებაში.
სიაში მოხვდნენ Forward Strategy Limited, Open Knowledge Foundation, Institute for Statecraft, Peace Child International და სხვა კომპანიები.