თურქეთის პრეზიდენტის რეჯეფ თაიფ ერდოღანის თქმით, რუსეთსა და უკრაინას შორის მოლაპარაკებების უსწრაფესი აღდგენით ყველა მხარე უნდა იყოს დაინტერესებული, – ამის შესახებ თურქეთის პრეზიდენტმა რეჯეფ თაიფ ერდოღანმა დიდი ბრიტანეთის პრემიერ-მინისტრ რიში სუნაკთან სატელეფონო საუბარში განაცხადა.
„რუსეთსა და უკრაინას შორის მოლაპარაკებებისთვის ნიადაგის უსწრაფესად აღდგენა ყველა მხარის ინტერესებში იქნებოდა“, – აღნიშნა ერდოღანმა.
თურქეთის პრეზიდენტმა და დიდი ბრიტანეთის პრემიერ-მინისტრმა, ასევე, ორმხრივი ურთიერთობები განიხილეს, კერძოდ ვაჭრობისა და თავდაცვის სფეროში.
ამას გარდა, ერდოღანმა კვიპროსის საკითხში ახალი და კონკრეტული ნაბიჯების საჭიროების შესახებ განაცხადა.
