გოგა ხაინდრავა: „უკრაინის ეროვნული უშიშროების საბჭოს მდივნის განცხადების შემდეგ ნათელი გახდა, რომ უკრაინაში თანამდებობებზე მოკალათებული სააკაშვილის თანამოაზრეების ერთადერთ ამოცანას საქართველოში მეორე ფრონტის გახსნა და ქვეყნის ომში ჩათრევა წარმოადგენს“.
„როდემდე უნდა ვითმინოთ ამ პროვოკატორების საქართველოში თარეში?! როდემდე უნდა ითმინოს ქართულმა საზოგადოებამ ის ანტისახელმწიფოებრივი ქმედება, რომლის მოწმენიც ვართ?! ეს ღიად და დაუფარავად ხორციელდება. როდის უნდა დადგეს ამ დანაშაულებრივი ორგანიზაციის პასუხისმგებლობის საკითხი, რომელმაც ჯერ კიდევ 2012 წლამდე, სანამ მათი ხელისუფლებიდან გაძევება მოხდებოდა, უამრავი დანაშაული ჩაიდინა, დღეს კი ცდილობენ, ქვეყანა კიდევ უფრო უარეს დღეში ჩააგდონ, ვიდრე 2008 წელში იყო?!“ – აცხადებს კინორეჟისორი.