საქართველოს პარლამენტის თავმჯდომარე შალვა პაპუაშვილი სომეხ ხალხს შობასა და ნათლისღებას ულოცავს და მათ სიკეთეს, კეთილდღეობას უსურვებს. აღნიშნულის შესახებ პაპუაშვილი სოციალურ ქსელ „ტვიტერის“ გვერდზე წერს.
„ვულოცავ სომხურ სამოციქულო ეკლესიას და საქართველოსა და მთელ მსოფლიოში ყველა სომეხს შობასა და ნათლისღებას. დაე, ამ დღესასწაულმა სიხარული, სიკეთე და კეთილდღეობა მოუტანოს თქვენს ოჯახებს“, – წერს შალვა პაპუაშვილი.