აშშ-ის პრეზიდენტმა, დონალდ ტრამპმა უკრაინის წინააღმდეგ რუსეთის ომში არსებული ვითარებით უკმაყოფილება გამოთქვა. კერძოდ, უკრაინის ქალაქებზე რუსული სარაკეტო თავდასხმის გამო. ამის შესახებ მან ისრაელის პრემიერ-მინისტრ ბენიამინ ნეთანიაჰუსთან შეხვედრისას ოვალურ კაბინეტში განაცხადა.
ტრამპმა აღნიშნა, რომ არ იცის „რა ხდება იქ, მაგრამ ძალიან ცუდი სიტუაციაა“.
„ისინი {რუსები} გიჟებივით ბომბავენ უკრაინას“, – აცხადებს ტრამპი.
მან დასძინა, რომ შეერთებული შტატები მოლაპარაკებებს აწარმოებს როგორც რუსეთთან, ასევე უკრაინასთან ცეცხლის შეწყვეტასთან დაკავშირებით.
ცნობისთვის, მანამდე კი, სახელმწიფო მდივანმა, მარკო რუბიომ განაცხადა, „ტრამპის ადმინისტრაცია მოელის, რომ რუსეთი მზად იქნება ომის დასასრულებლად.